پارتی لیبرالی کوردستان، له پێناوی تهوژدانی پرۆسهی ریفۆرمی سیاسی و پایهگوزارکردنی دیموکراسییهتی سیاسی، ئاشکرا خۆی وهک یهکهم پارتی ئۆپۆزسیۆنی رامیاری رادهگهێنێت. پارتی لیبرالی کوردستان ئاشکرا رادهگهێنێت که خهباتی سیاسی ئێمه بۆ گرتنهدهستی دهسهڵات و دامهزراندنی حکومهتی تهکنۆکرات و داسهپاندنی بنچینهکانی دیموکراسیهتو پهرلهمانتاریزم و دهولهتی علمانی و یاسایه له کوردستاندا. جهژنی کریسمیس جهژنی کورده بایکۆتی بهرههم و کاڵای تورکی بکهن ئهی هاووڵاتی کوردستانیی! ئهی پارێزهری ڕاستهقینهی، کهرامهت و خاک! ئهمڕۆ بۆ گشت لایهک، ئاشکرا دهرکهوتووه، که بهرنامهی دهوڵهتی فاشی تورکیا، شهڕی دژ به پکک، نییه. بهڵکو تێکدانی ههرێمی کوردستان و لهسێدارهدانی خهبات و ئارهزووی گشت کوردستانییهکه. ئهی ههمیشه بهرزان.... درێژه جهنابی سهفیری ئهمریکا غهڵهتت فهرموو ئهی کوردستانیان. پارتی لیبرالی کوردستان، تاکه ئۆپۆزیسیۆنی سهربهخۆی کوردستان. له سهرهتاکانی ساڵهوه رێکخستنهکانی لهوه ئاگادارکردهوه که ساڵی 2007 به ساڵی کهرکوک دهناسێنێ. پ ل ک داوای له رێکخستنهکانی کرد که گشت تواناکان لهم ساڵهدا ئاراستهی بههێزکردنی یهکیهتی ریزی خهڵکی کوردستان و پشتگرتنی نوێنهرانی کوردستان بکهن له پرۆسهی گێرانهوهی کهرکوک و گشت ناوچه دابڕاوهکان بۆ باوهشی دایکی مهزن. بۆیه لهم ساڵهدا پ ل ک وهک ئۆپۆزیسیۆن چالاکیهکانی راگرت. بهڕێزان ..... درێژه لهبری قسهی زل و کرداری بچووک. خهتهنهکردنی کچان قهدهغهکهن ئهی هاوڵاتیانی کوردستان. دیاردهی کچ خهتهنهکردن، که پتر له چهند وڵاتێکی ئهفریقایدا باوه، ئهمڕۆ له جیهاندا بهگشتی رخنهی لێدهگیرێ و بهرههڵستی دهکرێ، گومانیش لهوهدا نییه، که خهتهنهکردنی کچان له مێژووی کورددا، دیاردهیهکی ناباوو و گهلێ سنوورداربووه. بهڵام درێغا ئهمڕۆ، بهچهشنی زهمانی شێخان، له کوردستانی فیدرالیهت، و حکومهت و پهرلهماندا، ئهم دیارده ناپهسهند و ناشرینه خهریکه گۆڕه ئهزهلییهکهی دهردهێنرێ و زیندوو دهکهرێتهوه. رۆژ به رۆژ پتر تهشهنه دهسێنێت و خهریکه وهک ژن کوشتن، دهکرێ به عورف و عادهت. جێی داخیشه که حکومهت و پهرلهمانیش بهرانبهر بهم نامرۆڤایهتیه تا ئهمڕۆ، تارای سووری قسهی زل و کرداری بچووکیان پۆشیوه....... درێژه ههر پایهمانبێت شۆڕشی پرتهقاڵی ههر شهکاوهبێت درهوشی پرتهقاڵی. ئێمه وهک پارتی لیبرالی کوردستان پشتیوانی تهواوی خۆمان بۆ ( فیستیڤالی پرتهقاڵی) زانکۆی سڵیمانی که لهلایهن رێكخراوی سۆڵیدارێتی خوێندكارانهوه وهک مانیفێستێکی دژ بهگهندهڵی و لهپێناو هێنانه دی سیستمێكی حكومڕانی دهستوری دیموكراسی رێکخرا، دهردهبڕین. پ ل ک ههمیشه لایهنگری گشت ههوڵێکی نیشتیمانپهروهرانهو جدییه، که بهمهبهستی چاکسازیی و پێشخستنی کوردستان له ناخی چینی لاوان و رۆشنبیران و ریفۆرمخوازانی ئهم گهله بێ چارهنووسه ههڵقوڵابێت. درێژه له باتی مزگهوت قوتابخانه دروستکهن. ئهی کوردستانیان. له ماوهی ئهم 15 ساڵهی دوایدا. پارهدارن و کۆمهڵێ رێکخراو له ههرێمی کوردستانی عیراقدا، به نیازی خێر و چاکهوه، گهڕهک نییه 3 تا 4 مزگهوتی نوێیان تێدا دروستنهکردبێ، له کاتێکدا له شاره مهزنهکانی ههمان ههرێمدا، ژمارهی قوتابخانه گهلێ کهمن. له کاتێکدا له قوتابخانهکانی شارهکاندا 50 تا 70 منداڵ له پۆلێکدا دهخزێن. له کاتێکدا گهلێ قوتابخانه، تا بتوانن جێگای قوتابیانیان بکهنهوه، ناچار رۆژیی 3 دهوامدهکهن. بۆیه مافه رووتان تێکهین و بپرسین: ئایا ئهمڕۆ ئهی میراتگرانی فهلسهفهی چاکه، ئهی خێرخوازان، چاکه ، له چیدایه ؟؟؟ ئایا ئهمرۆ خێری پتر له دروسکردنی قوتابخانهدایه یان مزگهوت .. ؟؟؟؟ ئهی هاوڵاتیانی کوردستان. درێژه نهک ههر سهحهر بۆدهرهوه، ئێرانیش بۆ دهرهوه. بهرێزان، ئهندامانی حکومهتی ههرێمی کوردستانی. بهڕێزان، ئهندامانی پهرلهمانی ههرێم. بهڕێزان ئهندامانی مهکتهبی سیاسی پارتی دیموکراتی کوردستانی عیراق و یهکیهتی نیشتمانی کوردستان. بۆ گشت رێکخراوه سیاسی و مهدهنی و رۆژنامهکانی باشووری کوردستان. لای کهس شاراوه نییه که دهوڵهتی ئێران، یهکێکه له داگیرکهرانی خاکی کوردستان و بهدرێژایی مێژووی دوژمنێکی بێرهحمی کورد بووه. لای کهسیش شاراوه نییه که ئهم داگیرکهره،ههمیشه، چالاکانه رێکخراوه سیاسیهکانی باشووری کوردستانی بهکارهێناوه بۆ پاراستنی بهرژهوهندیهکانی خۆی. لای کهسیش شاراوه نییه که گهورهترین هێزی تێکدهر، و هاندهری تیرۆر و توندرهویی و نائارامی له گشت عیراقدا ئهمڕۆ ههمان دهوڵهته که پێی دهڵێن ئێران. درێژه له پێناوی دابینکردنی مافو ئازادی یه بنهڕهتییهکان له دهستوری ههرێمی کوردستاندا دهستور وهکو دۆکۆمێنتێکی یاسایی نهک ههر بنهما سهرهکییهکانی حوکم له ولاتێکو ههرێمێکدا دهستنیشان دهکاتو مافو ئهرکهکانی دهسهلات دهژمێرێت، بهلکو جگه له ڕێکخستنی پهیوهندی یهکانی نێوان دهزگاکانی دهولهتو ههر سێ دهسهلاتهکهش، پهیوهندی نێوان هاولاتیانو دهسهلاتیش ڕێکدهخات، ئهمیش له ڕێگای ژماردنی مافو ئازادی یه بنهڕهتی یهکانی هاولاتیان و دیاری کردنی سنوری دهسهلاتی سیاسی بهرامبهر به تاکه کهس. له سیستهمێکی فیدرالیا دهستور جیا لهوه ههلدهستێت به دابهشکردنی سهروهری دهسهلاتهکان له نێوان دهسهلاتی فیدرالیو ههرێمهکانیشدا. ههر ههرێمێکی فیدرالیش بۆی ههیه دهستورێکی سهربهخۆی ههبێت به مهرجێک له چوارچێوه سهرهکی یهکهی دهستوری فیدارالی دهرنهچێت. درێژه نا بۆ میلشیای حزبیی سهروهریی کورد ههمیشه هێزی پێشمهرگهی کوردستان بووه. نهتوانهوهی کورد و مانهوهی وشهی کوردستان ، دیاریی پێشمهرگهبوو بۆ نهوهی ئهمرۆ و نهوزادانی سبهینێمان. پێشمهرگه ههرگیز نهداردهستهو نه سمبۆلی حزبان بووه. پێشمهرگایهتی، دین و رهوت و بیری ئهوانهبووه که لهپێناو ئازادیی خاکی کوردستاندا گیانفیدابوون. ههرچهند بهژماره گهلێ نهبوون ، بهڵام دڵی گشت دایکێک، گشت باوکێک، گشت خوشکێک، گشت برایهک و گشت کۆرپه و منداڵێکیان لهگهڵبوو. مێژووی کوردستان له ههموو سهردهمهکانیدا، مێژووی خهباتی پێژمهرگهیه. ئهی هاوڵاتیان، ئهی ئازادان. لهگهڵ گۆرانی سیاسهتی نێوجیهانی و رێخۆشبوون بۆ سهرههڵدانی ناوچهیهکی کوردستانیی سهربهخۆ، دوو حزبی یهکیهتی نیشتمانی کوردستان و پارتی دیموکراتی کوردستانی عیراق بۆ بهربهرهکانی یهکدی و چهسپاندنی دهسهڵاتی خۆیان وهک تاکه حزب و فهرزکردنی خۆیان وهک تاکه دهسهڵات کهوتنه چهکدار کۆکردنهوه و دروستکردنی میلشیای حزبی. میلیشیایهک که پارێزهری بهرژهوهندیهکانی حزب بێت نهک میللهت. درێژه پهرلهمانی ههڵنهبژێردراو پهرلهمان نییه بۆ کوردستانیان له ههرکوێیهک ههن بهرێزان گشت لایهکتان ئاگادارن که ئهندامانی پهرلهمانی ئهمڕۆی ههرێمی کوردستانی عیراق، لهلایهن دوو رێکخراوی حزبیی پارتی دیموکراتی کوردستانی عیراق و یهکیهتی نیشتمانی و بهپێی لیستی تایبهت پهسهند کراون و دامهزرێندراون. ئهڵبهته، دامهزراندنی ئهندامانی پهرلهمان، ئاشکرا رهوشتی دهسهڵاتی ئیستیبدادییه. ئهندامانی ئهم جۆره پهرلهمانهش ههرگیز نوێنهری ویستی هاوڵاتیان نین بهڵکو جێبهجێکهری ئارهزووی دهسهڵاتدارانن. ئهندامانی ئهم جۆره پهرلهمانه بۆیان نییه له هیچ شوێن و کاتێکدا بهناوی میللهتهوه قسهبکه. بۆیان نییه به زمانی میللهتهوه را دهربڕن. به ئاسانی لهبهر ئهوهی، ناشهرعین، ههڵنهبژێردراون، نوێنهری خهڵکی کوردستان نین. درێژه بۆ بهڕێزان ئهندامانی كابینهی پێنجهمی حكومهتی یهكگرتووی ههرێمی كوردستان .بهڕێزان. زمانی ستاندهرد ههمێشه و بهدرێژایی مێژوو زمانی دهوڵهت و دهسهڵاتی سیاسی بووه. داگیرکردنی کوردستان لهلایهن تورک و عهرهب و فارسهوه، زمانی داگیرکهرانی سهپاند بهسهرماندا و تا ئهمڕۆ عهرهبی و تورکی و فارسی زمانی ستاندهردی بهشهجیاوازهکانی کوردستانه. بهڵێ، زمانی ستاندهرد زمانی دهوڵهتو دهسهڵاته. نهبوونی دهوڵهتی کوردستان و دهسهڵاتی سیاسی سهربهخۆ ئهنجامهکهی نهبوونی زمانی کوردیی (ستاندهرد) و بههێزیی کۆمهڵێ دیالێکتی ناوچهیی بوو. درێژه ئێمه ئۆپۆزیسسیۆنین، ئێمه حکومهتی داهاتووین بۆ هاوڵاتیانی کوردستان و گشت رێکخراوه رامیاری وکۆمهڵایهتیهکان. پارتی لیبرالی کوردستان ههر لهسهرهتای دامهزراندنیهوه، خۆی وهک ئۆپۆزسیۆنێکی رامیاری راگهیاند و له 12/11-2004 دا ، بهیانی ( پارتیمان بهرهو ئۆپۆزسیۆنی) له کوردستان و تاراوگهدا بڵاو کردهوه. ئهمڕۆ ، پاش راگهیاندنی حکومهتی یهکگرتووی ههرێمی کوردستان و دامهزراندنی حکومهتی عیراق. بهگونجاومان زانی که جارێکی تر و لهژێر سایهی بارودۆخی نوێدا، ههمان راگهیاندن ههمیسان بڵاوکهینهوه، و ههمان ههڵوێست دووپاتکهینهوه. ئێمه ئۆپۆزیسسیۆنین، ئێمه حکومهتی داهاتووین سهرکهوتنی گشت ههوڵ و پرۆژهیهک به بهڕیوهبهرایهتی سهرکهوتووهوه بهنده. بۆیه بوونی توانا و سهرمایه و کارامهیی، ناتوانێ کۆمهڵگا پێشخات گهر بهڕێوهبهرایهتیهکی چاک و زانستانه بهڕێوهی نهبات. درێژه بۆ بهڕێزان ئهندامانی كابینهی پێنجهمی حكومهتی یهكگرتووی ههرێمی كوردستان  پیرۆزبێت حکومهتی یهکگرتووی ههرێمی کوردستان بهرێزان، گومان لهوهدا نییه، که نزیکبوونهوهی ههردوو لاتان و بێکهێنانی کابینهیهکی هاوبهش جێی خۆشنوودیی گشت مرۆڤێکی کوردستانییه. هیوادارین، که بهزووترین کات و بهههوڵو یارمهتی ههموو کوردستانیهکی دڵسۆز، دامودهزگا گشتییهکان لهلایهن حکومهتهوه ههڵسوڕێندرێن و چیدی رێگا نهدرێ به هیچ حزبێک که دهسهڵاتی بهسهریاندا ههبێ. درێژه بۆ حکومهتی کوردستان/ ئیدارهی ههولێر لهکاتێکدا حکومهتهکان و رێکخراوه سیاسیهکانی باشووری کوردستان، له رێێ گوتارو، و مێدیای نووسراو و دهنگبهخش و وێنهبهخشهوه هاوڵاتیان هاندهدهن که پشتیوانی له پرۆسهی دیموکهاسیی بکهن. و ههوڵدهدهن که کوردستان وهک ناوهندی بهدیموکراسیکردنی عیراق به جیهان پێشکهشکهن. ههواڵی هێرشکردنه سهر بارهگا و ئۆفیسهکانی یهکگرتووی ئیسلامی کوردستان له شاری دهۆک و تاڵانکردنیان و تهعهداکردن له ئهندامانیان و زامدارکردنی بهرپرسیارانیان واقعێکی جیاواز و وێنهیهکی فره نادیموکراسی زهقدهکاتهوه. ئێمه وهک پارتی لیبرالی کوردستان ئهم روداوه ناشارستانی و نادیموکراسییه بهتوندیی شهرمهزاردهکهین و داوا له حکومهتی کوردستان (ئیدارهی ههولێر) دهکهین که بێ دواکهوتن و چاوپۆشین بهرپرسیاران و دوژمنانی پێشکهوتنی کوردستان بهدادگا و سزای شیاو بگهێنن. درێژه بۆ حکومهتی کوردستان/ ئیدارهی ههولێر. تائکیدکردنی حوکمدانی دکتۆرکهمال قادر به 30 ساڵ زندان. ئاماژهیهکی روونه، بۆ ئهوهی که سهرههڵدان و پێداکوتانی دهسهڵاتێکی خێڵهکیانهی ئێستیبدادیی له بهشێکی باشووری کوردستاندا له گهشه و پهرهسهندندایه. له هیچ جێگه و شوێنێکی جیهانی ئهمڕۆی سیما بهگهشه سهندوو بهپرنسیب و یاساو رێساکانی دیموکراسی و کۆمهڵگای مهدهنی، حوکمێکی زۆردارهنهی نا دادپهروهرانه و نایهکسانیانهی وهها بهدی ناکرێت. ئێمه له پارتی لیبرالی کوردستان، گۆشهکراو و وابهسته به پرینسیپ و بهها دیموکراسی و چهمکهکانی ئازادی تاک و کۆمهڵگای مهدهنی و دهوڵهتی یاسا. ئهو ههنگاو و جورئهتهی دهسهڵاتی ههولێر بهتوندی ئیدانهدهکهین و بهسهرهتای سهرههڵدان و چهسپاندنی هێزو دهسهڵاتێکی زۆردارانهی نادیموکراسیانهی دهبینین.