دیموکراسیهت و هێرشی دژ یهکگرتووی ئیسلامی
2005-12-22
بۆ حکومهتی کوردستان/ ئیدارهی ههولێر.
لهکاتێکدا حکومهتهکان و رێکخراوه سیاسیهکانی باشووری کوردستان، له رێێ گوتارو، و مێدیای نووسراو و دهنگبهخش و وێنهبهخشهوه هاوڵاتیان هاندهدهن که پشتیوانی له پرۆسهی دیموکراسی بکهن و ههوڵدهدهن کوردستان وهک ناوهندی بهدیموکراسیکردنی عیراق به جیهان پێشکهشکهن. ههواڵی هێرشکردنه سهر بارهگا و ئۆفیسهکانی یهکگرتووی ئیسلامی کوردستان له شاری دهۆک و تاڵانکردنیان و تهعهداکردن له ئهندامانیان و زامدارکردنی بهرپرسیارانیان واقعێکی جیاواز و وێنهیهکی فره نادیموکراسی زهقدهکاتهوه. ئێمه وهک پارتی لیبرالی کوردستان ئهم روداوه ناشارستانی و نادیموکراسییه بهتوندیی شهرمهزاردهکهین و داوا له حکومهتی کوردستان (ئیدارهی ههولێر) دهکهین که بێ دواکهوتن و چاوپۆشین بهرپرسیاران و دوژمنانی پێشکهوتنی کوردستان بهدادگا و سزای شیاو بگهێنن.
بهڕێزان
جگه لهم رووداوه فره زهق و نابهجێیه، تا ئێستا له چهندین شوێنی دی ههڕهشهی توند و رێگریی له لایهنگرانی لیسته سهربهخۆکانی دهرهوهی هاوپهیمانی کوردستان کراوه و رێیان پێنهدراوه کارهکانیان ئهنجامدهن. ئێمه ئهرکی پاراستنی (ئازادی رادهڕبڕین) له ئهستۆی حکومهتی کوردستاندا دهبینین و به بهرپرسیاری سهرهکی دهزانین بهرانبهر به پاراستنی مافهکان و سهلامهتی هاوڵاتیان و پوچهڵکردنهوهی کردهوهکانی ئههلی تاریکیی. دیموکراسیهت تهمهنی له 100 ساڵ تێپهڕیوه. ئهمڕۆ، له جیهانی ئێمهدا. له 120، ولاتدا، (دهنگدانی ئازاد) مافێکی گشتییه. لهو 120 وڵاتهدا 3.5 ملیار مرۆڤ دهژی. واته نیوهی دانیشتوانی سهر رووی زهمین. بۆ دهبێ ئێمه لهو گۆڕانه جیهانی و چاکه بهدووربین و بهندهی تاریکی و کۆیلایهتی بین و کوڕنووشبهرین بۆ هێزهکانی دژ به ئازادی هۆش و لهش و دهروون. تاکهی ههناسهبڕکێمانبێت بهدوای مێژوودا. دیموکراسی و نیمچه دیموکراسی نییه. یان دیموکراسی ههیه یان نییه. دیموکراسی بۆ ههندێ کهس حهڵاڵ نییهو بۆ ههندێ کهس حهرام. یان بۆ ههموو کهسێک ههیه یان نییه. ئێمه وهک پارتی لیبرالی کوردستان بهئهرکی حکومهتی دهزانین که به رهوت و کردار، ئاشکرا نیشانیدا که سهر به بارهگای دیموکراسیخوازانه و چیدی رێنادات که کهلتووری ستهمکاری و تاکه بیر و تاکه بۆچوون، پرۆسهی دیموکراسی و پلورالیزم له کوردستاندا زیندهبهچاڵکات.
ئهنجومهنی بهڕێوهبردنی پارتی لیبرالی کوردستان
Big People small Government