لهباتی مزگهوت قوتابخانه دروستکهن
2007-02-19
ئهی کوردستانیان
له ماوهی ئهم 15 ساڵهی دوایدا. پارهدارن و کۆمهڵێ رێکخراو له ههرێمی کوردستانی عیراقدا، به نیازی خێر و چاکهوه، گهڕهک نییه 3 تا 4 مزگهوتی نوێیان تێدا دروستنهکردبێ، له کاتێکدا له شاره مهزنهکانی ههمان ههرێمدا، ژمارهی قوتابخانه گهلێ کهمن. له کاتێکدا له قوتابخانهکانی شارهکاندا 50 تا 70 منداڵ له پۆلێکدا دهخزێن. له کاتێکدا گهلێ قوتابخانه، تا بتوانن جێگای قوتابیانیان بکهنهوه، ناچار رۆژیی 3 دهوامدهکهن.
بۆیه مافه رووتان تێکهین و بپرسین:
ئایا ئهمڕۆ ئهی میراتگرانی فهلسهفهی چاکه، ئهی خێرخوازان، چاکه ، له چیدایه ؟؟؟
ئایا ئهمرۆ خێری پتر له دروسکردنی قوتابخانهدایه یان مزگهوت .. ؟؟؟؟
ئهی هاوڵاتیانی کوردستان.
ئهی، سامانداران.
پهرستگه، له کاتی نهبوونیدا، دروستکردنی ههقه، خێره. قوتابخانهش له کاتی نهبوونیدا، دروستکردنی ههقه و خێره.
گوناحه له سهردهمی کۆمهڵگهی زانستدا، منداڵانی کوردستان بێ مامۆستا و دهبستانبن. گوناحه له 2007 دا ، له پایتهختی ههرێمدا 70 منداڵ له ژورێکدا بخزێنین و ناوی لێبنێن قوتابخانه.
گوناحه، له کاتێکدا منداڵانمان خهون به ( حوجرهیهکی فراوانهوه) دهبینن، (پارهداران) و رێکخراوه ( خێرخوازهکان) مزگهوت له تهک مزگهوتا دروستکهن.
بۆیه ئهی سامندارانی کوردستان. ئهی خێرخوازان، پارتی لیبرالی کوردستان روو له ویژدانی ئێوه و گشت نیشتیمان پهروهرێکی کوردستانی دهکات، و داوادهکهین، وهک چۆن 15 ساڵه به گوڕ مزگهوت دروستدهکهن، به ههمان گوژ و به ههمان مهبهست، واته چاکهکردن، روو له دروستکردنی زارۆکهدهو دهبستانان بکهن، تا بوارێکی گونجاو بۆ فێربوونی منداڵان فهراهام کهن و بهدیدبێنن.
ئهی کوردستانیان با 2007 بکهینه سالێ دروستکردنی قوتابخانه.
لهپێناو حوکمی چاک و حکومهتی چاکدا
پارتی لیبرالی کوردستان
Big People small Government