لهبری قسهی زلو کرداری بچووک
خهتهنهکردنی کچان قهدهغهکهن
2007-06-20
ئهی هاوڵاتیانی کوردستان.
دیاردهی کچ خهتهنهکردن، که پتر له چهند وڵاتێکی ئهفریقایدا باوه، ئهمڕۆ له جیهاندا بهگشتی رخنهی لێدهگیرێ و بهرههڵستی دهکرێ، گومانیش لهوهدا نییه، که خهتهنهکردنی کچان له مێژووی کورددا، دیاردهیهکی ناباوو و گهلێ سنوورداربووه.
بهڵام درێغا ئهمڕۆ، بهچهشنی زهمانی شێخان، له کوردستانی فیدرالیهت، و حکومهت و پهرلهماندا، ئهم دیارده ناپهسهند و ناشرینه خهریکه له گۆڕه ئهزهلییهکهی دهردهێنرێ و زیندوو دهکهرێتهوه. رۆژ به رۆژ پتر تهشهنه دهسێنێت و خهریکه وهک ژن کوشتن، دهکرێ به عورف و عادهت. جێی داخیشه که حکومهت و پهرلهمانیش بهرانبهر بهم نامرۆڤایهتیه تا ئهمڕۆ، تارای سووری قسهی زل و کرداری بچووکیان پۆشیوه.
ئهی کوردستانیان.
ئهوانهی وادهزانن که کچ خهتهنهکردن، ئیسلامهتییه، کفردهکهن. تاواندهکهن. کچ خهتهنهکردن تهعهدایه لهو لهشهی که خوداوهند ئافریدی کردووه. تۆ بڵێی لایهنگرهکانی ئهم ناپهسهندییه له خوداوهند زیرهکتر و شارهزاتربن تا ههڵهکانی راستکهنهوه و دهسکاری پهیکهری مرۆڤ بکهن؟؟؟ ئهدی کانی ( وأنا خلقناکم باجمل صورة ).
بهڕێزان
گومان لهدانییه، که رێگرتن لهم جۆره دیاردانه، وهک چۆن پێویستی به گوژی وشیارکردنهوه و راگهیاندنی بهرفراوانه لهلایهن، هاوڵاتیان و رێکخراوهکانی کۆمهڵگهی مهدهنی و دامودهزگهکانی مێدیاوه، هاوکات بۆ بنهبڕکردنی ئهم تاوانه، پێویستمان به یاسای قهدهغهکهر و جێبهجێکردنی یاسایه لهلایهن حکومهتهوه. بۆیه ئێمه وهک پارتی لیبرالی کوردستان داوا له پهرلهمان و حکومهتی ههرێمی کوردستانی عیراق دهکهین که بێ پاشخستن، و پشگوێخستن خهتهنهکردنی کچان قهدهغهکهن و تاوانباران بهسزای سهخت بگهێنن. با رێنهدهین تاریکی هێزه ئههریمهنیهکان وڵاتی رووناکی داپۆشن.
لهپێناو حوکمی چاک و حکومهتی چاکدا
پارتی لیبرالی کوردستان.
Big People small Government