تا بهرهی فراوانی ئۆپۆزسیۆن دروستنهکرێت
ئهلتهرناتیڤ پهیدانابێت، گۆڕان روونادات.
2008-08-24
ئهی خۆشهویستانی کوردستانی دایک
گومان لهوهدا نییه که بارودۆخی چهوتی ههرێمی باشووری کوردستان، ساڵههای ساڵه بههیوای گۆڕان رخنهی نهرم و تووندی لێدهگیرێت. دهسهلاتی ههرێمی کوردستان رۆژ بهرۆژ له ئامانجهکانی خهڵکی کوردستان دووردهکهوێتهوه و دواکهوتوویی کولتووری سیاسی دهسهڵاتداران و پێشێلکردنیان بۆ بههاکانی مافی مرۆڤ و دیمهکراسیهتی هاوچهرخانه بۆته هۆی قهیرانی سیاسی و کۆمهڵایهتی و ئابووری. هاوکات گومانیش لهوهدا نییه که بۆ چاکردنهوهی ئهم باره چهوته ئۆپۆزسیۆن پێویسته.
له ههرێمی کوردستاندا، ئهمڕۆ چهند راستیهک بۆ خهڵکی کوردستان روونبۆتهوه.
1 ـ دهسهڵات له ههرێمی باشووری کوردستاندا، دهسهڵاتێکی زهبردهستانه، و بنهماڵهییه که رۆژ بهرۆژ له پێناو پاراستنی بهرژهوهندیهکانیدا پتر له دیکتاتۆریهت نزیک دهبێتهوه. له باشووری کوردستاندا دهسهڵاتێک له ئارادایه که له کۆمهڵگا دابڕاوه و گشت تواناکانی خستۆته کار بۆ رێنهدان به سهرههڵدانی ئۆپۆزسیۆنێکی رێکخراو که بتوانێ لای جهماوهر ببێت به ئهڵتهرناتیڤ. بۆیه رێکخستنی تواناکانی ئۆپۆزسیۆن پێویسته.
2 ـ لهسهر ئاستی عراق و ناوچهکهدا، دهسهڵاتی ههرێمی باشووری کوردستان خاوهنی کۆمهڵێ ههڵهی سیاسی زهق و کوشندهن که بهداخهوه نهوهکانی داهاتوو باجی دهبێ بدهن. دهسهڵاتی ههرێم به کردهوه سهلماندی که خهبات بۆ بهرژهوهندیهکانی خۆی دهکات نهک بۆ ئامانجهکانی خهڵکی کوردستان. بۆ چاکردنهوهی ئهم باره جهوته ئۆپۆزسیۆن پێویسته.
3 ـ له کۆمهڵگای نوێی کوردستاندا شۆڕشی رۆشنبیری و کۆمهڵایهتی له قۆناغی سهرههڵداندایه. ئۆپۆزیسێۆنێکی جهماوهری فراوان به گشت جۆرهکانیهوه، له قۆناغی خهمڵاندن و کوڵاندایه. بهڵام ئهم ئۆپۆزسێۆنه تا ئێستا له قۆناغی سهرکێشیهکی نارێکخراودایه. رهوت و باڵ و رهنگه جیاوازهکانی ئهم ئۆپۆزسیۆنه ، لێک دوورن و تا ئهمڕۆ گشت دیارده کوشندهکانی کۆمهڵگا و فهرههنگی سیاسی دواکهوتووی له ئامێزدایه. پهرتوو بڵاوی هێزه گۆڕانخوازهکان هێزوو توانای ئۆپۆزسێۆنی کهم کردۆتهوهو ئفلیجیکردووه، دهسهڵاتیش بێگوومان کار بۆ ئهوهدهکات که رهوته ئۆپۆزسیۆنیهکان دوور لهیهک رابگرێ تا رێگا بهسهرههڵدانی هێزێکی ئۆپۆزسێۆنی کاریگهر نهدهن.
بۆیه چاره له دیدی منهوه یهکه و دووی نییه! ئهویش دروستکردنی بهرهی فراوانی ئۆپۆزسێۆن و رێکخستنی تواناکانه. دهسهڵاتی ههرێم ، تاکه خاوهنی توانای ئابووری و لهشکرییه. تاکه خاوهنی دامودهزگاکانه، به حکومهت و پهرلهمان و سهندیکا و دهزگاکانی راگهیاندنهوه. بهرابهر بهم جۆره دهسهڵاته یهک گرتنهوه و بهرهسازیی پێویسته. هاوکات ئۆپۆزسیۆن تا ببێت به ئهڵتهرناتیڤ دهبێ رهوایی له پێداوێسته کۆمهڵایهتیهکانهوه بهدهسبێنێت و تا بتوانێ ئهوهش بکات بێویستی به بهڵگهی سیاسی و فکری و ئهخلاقی ههیه. تا ئهمهش بکات پێویستی به ههماههنگی و یهک دهنگی و بهرنامه و پرۆژهی یهکگرتوو ههیه. گهر ئۆپۆزسێۆن ئهم بهڵگانه پێشکهش به کۆمهڵگا نهکات ههرگیز نابێت به ئهلتهرناتیڤێکی مێژوویی و بهڵگهی باسیڤی و بێتوانایی خۆی نیشاندهدات. بهڕێزان کهسمان بهتهنیا گۆرانی پێ بهدی نایهت. بهڵام پێکهوه گۆڕان بهدی دێنین. لهم راستییه ساکارهوه ئێمه بانگهواز بۆ دروستکردنی بهرهی فراوانی ئۆپۆزسێۆنی کوردستانی دهکهین. بانگهواز بۆ دروسکردنی چهترێکی مهزن دهکهین که وهک تاک و رێکخراو. وهک بێلایهن و بهلایهن لهژێر سایهیدا کار بۆ گۆڕان بکهین. تا پێکهوه ببین بهو ئهلتهرناتیڤه مێژووییهی که گشت لایهک چاوهڕوانیهتی. لهلایهن پارتی لیبرالی کوردستانهوه ئهنداز حهوێزی Big People small Government
ئۆپۆزسیۆنی کوردستانی پێشکهوتنخواز، له باری ئهمڕۆیدا نه جێگای باوهڕی خهڵکی کوردستانه و نه رێگره له بهردهوامی سیاسهتی سوڵتانهکان. بۆیه بهر لهوهی باری کوردستان بگۆڕین دهبێ خۆمان بگۆڕین. دهبێ لهفهرههنگی جیابوونهوه و دژایهتییهوه، روو له فهرههنگی هاوکاری و هاوئاههنگی کهین. لهم قۆناغهدا، تا بهئامانج بگهین و ئهلتهرناتیڤ پێشکهش به میللهت کهین لهخۆبووردن بێویسته. قهبوڵکردنی یهکتر و جیاوازیهکانمان پێویسته. دوورکهوتنهوه له رهوشتی خۆپهرستانه پێویسته. یهکگرتنهوه له ژێر چهتری بهرهیهکی فراواندا و یهک پڕۆژهیی و یهک بهرنامهیی پێویسته. ئهم گووتانه راستییهکن، که گشت لایهکمان دهیزانێ. گشت تاک و رێکخراوێک له ناخیدا باوهڕی پێی ههیه. ئۆپۆزسیۆن تا بههێز بێ دهبێ بهره دروستکات.
ئێمه وهک پارتی لیبرالی کوردستان له پێناو بهدیهێنانی بهرهی فراوانی ئۆپۆزسیۆن، بێ مهرج ئامادهیی خۆمان دهردهبڕین بۆ نزیک بوونهوه و هاوکاری کردنی گشت تاک و رێکخراو و دهزگایهکی سیاسی و کۆمهڵایهتی و فهرههنگی. ئێمه بێ مهرج کراوهین بۆ پێشنیارو پرۆژه. ئێمه بێ مهرج پێشوازی له گشت ههنگاوێک دهکهین. ئومێدهوارین که به ههوڵو کۆششی گشت لایهکمان بهرهی فراوانی ئۆپۆزسیۆن دروستکهین. بهرهیهک که بێمهرج جێگای تاکی سهربهخۆ، جێگای کهسی بهڵایهن و بێلایهن و گشت جۆره رێکخراوێک بێت. ئومێدهوارین که پێکهوه بتوانین یهکهم کۆنفراسی ئۆپۆزسیۆن بگرین، تا به سوڵتانهکان و بهخهڵکی کوردستان و بهجیهان راگهێنین، که ههین، که یهکین و گۆڕان ریفۆرم حهتمییه.
ئهمه بانگهوازی ئێمهیه بۆ دروستکردنی بهرهی فراوانی ئۆپۆزسێۆن. بانگهوازێکی بێمهرجه، بانگهوازێکی پر له ئومێده.
ههر شادبن