رێکخراوی پ ل ک، ده‌زگایه‌کی سێ پله‌ییه‌‌

1- پله‌ی یه‌که‌م، له‌یه‌کی دامه‌زراویی و یاساگوزارییه،‌ ده‌زگای ئه‌م پله‌یه به‌ ‌ ئه‌نجومه‌نی به‌ڕیوه‌بردن ده‌ناسرێت‌.
A: ئه‌نجومه‌نی به‌ڕێوه‌بردن، له‌لایه‌ن سه‌رۆکی پ ل ک، که‌ گوته‌بێژی سه‌ره‌کیی پ ل کیه‌ به‌ڕێوه‌ده‌برێت.‌
B: ئه‌نجومه‌نی به‌ڕێوه‌بردن یه‌کێ له‌ ئه‌ندامه‌کانی به‌ سکرتێری پ ل ک هه‌ڵده‌بژێرێ.
C: ئه‌نجومه‌نی به‌ڕێوه‌بردن‌ به‌رزترین ده‌زگای سه‌رکردایه‌تی پ ل ک، که‌ به‌رپرسیاره‌ له‌ :
a: دارشتنی ئامانجه‌ سه‌ره‌کیه‌کان.
b: داڕشتنی پلانه‌ درێژخایه‌نه‌کان.
c: داڕشتنی ستراتیژیه‌تی کار و گونجاندنی له‌گه‌ڵ واقیعدا.
d: داڕشتنیی پلانی ئابووریی.
2- پله‌ی دووه‌م، پله‌یه‌کی به‌ڕیوه‌به‌رایه‌تییه‌ Administrativ Level ده‌زگای ئه‌م پله‌یه‌، به‌‌ ده‌زگای رێکخستنی پ ل ک ده‌ناسرێت‌. ئه‌م ده‌زگایه‌ له‌لایه‌ن سکرتێری پ ل ک به‌ڕێوه‌ده‌برێت. به‌ڕێوه‌به‌رانی کۆمیته‌ ‌کارگوزاره‌کان ئه‌ندامی ده‌زگای رێکخستنی پ ل ک.
3- پله‌ی سێیه‌م ، پله‌ی چێبه‌جێکردن و کارگوزارییه ‌ Operative Level ، له‌م پله‌یه‌دا ئه‌و سه‌رکردانه‌ هه‌ن که‌ سه‌رپه‌رشتی کاری رۆژانه‌ی رێکخراوه‌که‌ ده‌که‌ن.

ئه‌نجومه‌نی به‌ڕێوه‌بردن

1- له‌ ماوه‌ی نێوان دوو کۆنگره‌دا ئه‌نجومه‌نی به‌ڕێوه‌بردن به‌رزترین ئۆرگانی به‌ڕێوه‌بردنی کاروباری پارتی لیبرالی کوردستانه‌‌.
2- ئه‌نجومه‌نی به‌ڕێوه‌بردن، له‌لایه‌ن سه‌رۆکی پ ل ک، که‌ گوته‌بێژی سه‌ره‌کیی پ ل ک یه‌ به‌ڕێوه‌ده‌برێت.
3- ئه‌نجومه‌نی به‌ڕێوه‌بردن کاروباری پ ل ک به‌ پێی په‌یره‌و‌و پروگرام‌و راسپارده‌کانی کۆنگره‌ به‌ڕێوه‌ده‌بات.
4- ئه‌نجومه‌نی به‌ڕێوه‌بردن له‌ 35 ئه‌ندام پێکدێت.
5- ئه‌نجومه‌نی به‌ڕێوه‌بردن یه‌کێ له‌ ئه‌ندامه‌کانی به‌ سکرتێری پ ل ک هه‌ڵده‌بژێرێت. که جێگری گوته‌بێژی پارتی لیبرالی کوردستان و‌ به‌ڕێوه‌به‌ری ده‌زگای رێکخستنه‌.
6- ئه‌نجومه‌نی به‌ڕێوه‌بردن یه‌کێ له‌ ئه‌ندامه‌کانی به جێگری‌ سکرتێری پ ل ک هه‌ڵده‌بژێرێت.
7- ئه‌نجومه‌نی به‌ڕێوه‌بردن، به‌ڕێوه‌به‌رانی کۆمیته‌ کارگوزاره‌کان هه‌ڵده‌بژێرێت،
8- ئه‌نجومه‌نی به‌ڕێوه‌بردن، لانی که‌م ساڵی 4 جار کۆده‌بێته‌وه‌.
9- کۆبوونه‌وه‌کانی ئه‌نجومه‌نی به‌ڕێوه‌بردن به‌ به‌شداربوونی دوو له‌سه‌ر سێی ئه‌ندامانی ره‌وایی په‌یداده‌کات. بڕیاره‌کانی له‌ کاتێکدا ره‌وان که‌ پتر له‌ نیوه‌ی ئه‌ندامانی به‌شداربووی کۆبوونه‌وه‌که‌ ده‌نگی پێبده‌ن.
10- ئه‌نجومه‌نی به‌ڕێوه‌بردن خاوه‌ن چه‌ند کۆمیته‌‌و کۆمیسیۆنێکی راوێژکارانه‌ ده‌بێت.

A: کۆمیته‌ راوێژکاره‌کانی بواره‌ رامیاریه‌کان، بواره‌ کۆمه‌ڵایه‌تیه‌کان، بواره‌ ئابووریه‌کان:
هه‌ر یه‌کێ له‌م سێ کۆمیته‌یه‌ له‌ 10 ئه‌ندامی پسپۆر پێکدێت. ئه‌م کۆمیتانه‌ له‌ سه‌ر داوای ئه‌نجومه‌نی به‌ڕێوه‌بردن لێکۆلینه‌وه‌ی تایبه‌ت به‌ بابه‌ته‌ داواکراوه‌کان ئاماده‌ده‌که‌ن.
B: کۆمیسیۆنی پروگرام:
له‌ 10 ئه‌ندامی پسپۆر پێکدێت. ئه‌م کۆمیسیۆنه‌ به‌رده‌وام خه‌ریکی داد‌و ستان‌و شیکردنه‌وه‌‌و لێکۆڵینه‌وه‌ی ئایدیۆلۆجی ده‌بێت، به‌ مه‌به‌ستی نۆژه‌نکردنه‌وه‌ی په‌یره‌و‌و پروگرامی پ ل ک.
C: کۆمیسیۆنی نۆژه‌نکردنه‌وه‌:
له‌ 10 ئه‌ندامی پسپۆر پێکدێت. ئه‌م کۆمیسیۆنه له‌ رێگه‌ی لێکۆڵینه‌وه‌‌و راپرسیی به‌رده‌وامه‌وه‌ پێشنیاری تایبه‌ت به‌ نۆژه‌نکردنه‌وه‌ی رامیاریی پ ل ک پێشکه‌ش به‌ ئه‌نجومه‌ن ده‌کات.

ده‌زگای رێکخستن.

1- راسپارده‌کانی ئه‌نجومه‌نی به‌ڕێوه‌بردن، له‌لایه‌ن ده‌زگای رێکخستنه‌وه‌ جێبه‌جێده‌کرێن.
2- ده‌زگای رێکخستن له‌لایه‌ن سکرتێری پ ل ک به‌ڕێوه‌ده‌برێت.
3- ده‌زگای رێکخستن له‌ کۆمه‌ڵێ کۆمیته‌ی کارگوزار پێکدێت. ژماره‌ی کۆمیته‌کان به‌پێی بڕیاری ده‌زگای رێکخستن ده‌شێ بگۆڕدرێت.
4- به‌ڕێوه‌به‌ری کۆمیته‌کان، ئه‌ندامی ده‌زگای رێکخستنی پارتن.
5- به‌ڕێوه‌به‌رانی کۆمیته‌کان، گوته‌بێژی کۆمیته‌کانن.

‌ناوی کۆمیته‌ کارگوزاره‌کان:

1- کۆمیته‌ی کاروباری رامیاری.
2- کۆمیته‌ی کاروباری کۆمه‌ڵایه‌تی.
3- کۆمیته‌ی کاروباری ئابووری.
4- کۆمیته‌ی په‌یوه‌ندیه‌ کوردستانیه‌کان‌.
5- کۆمیته‌ی په‌یوه‌ندیه‌ جیهانیه‌کان.
6- کۆمیته‌ی هاوسانی.
7- کۆمیته‌ی دادگوزاریی‌و مافی مرۆڤ.
8- کۆمیته‌ی په‌روه‌رده‌‌و زانست.
9- کۆمیته‌ی هونه‌ر‌و وێژه‌.
10- کۆمیته‌ی راگه‌یاندن‌و مێدیا.
11- کۆمیته‌ی ژینگه‌.
12- کۆمیته‌ی ته‌ندروستیی .
13- کۆمیته‌ی خوێندکاران.
14- کۆمیته‌ی رێکخستن.

تێبینی !!!! بواری کار، و ناوو، و ژماره‌ی کۆمیته‌کان به‌پێی پێویست و به‌بڕیاری ئه‌نجومه‌نی به‌ڕێوه‌بردن ده‌شێ بگۆردرێت.

کۆمیته‌کارگوزاره‌کان.

1- کۆمیته‌ی کارگوزار، ده‌زگایه‌کی به‌ڕێوه‌به‌رایه‌تییه‌ و به‌شێکه‌ له‌ ده‌زگای رێکخستنی پ ل ک.
2- کۆمیته‌ی کارگوزار، کۆمیته‌یه‌کی پسپۆره‌ له‌ بوارێکی تایبه‌تدا.
3- به‌ڕێوه‌به‌ری کۆمیته‌ی کارگوزار له‌لایه‌ن ئه‌نجومه‌نی به‌ڕێوه‌بردنه‌وه‌ ده‌سنیشانده‌کرێت.
4- به‌ڕێوه‌به‌ر و ئه‌ندامانی کۆمیته‌ کارگوزاره‌کان ده‌بێ پسپۆر و شاره‌زای‌ بواری کاری کۆمیته‌که‌بن.
5- هه‌رکۆمیته‌ی له‌ 15 ئه‌ندام پێکدێت.
6- ئه‌ندامانی کۆمیته‌ کارگوزاره‌کان، له‌لایه‌ن به‌ڕێوه‌به‌رانی کۆمیته‌کان و رێکخراوه‌کانی هه‌رێمه‌وه‌ پێشنیارده‌کرێن.
7- ئه‌ندامانی کۆمیته‌کان له‌لایه‌ن سکرتێری پارتی لیبرالی کوردستانه‌وه‌ هه‌ڵده‌بژێردرێن.

ئه‌رکی کۆمیته‌ کارگوزاره‌کان:

1- ئاماده‌کردنی بابه‌تی تایبه‌ت، بۆ بڕیاردان له‌لایه‌ن ئه‌نجومه‌نی به‌ڕێوه‌بردنه‌وه‌ یاخود به‌ڕێوه‌به‌رایه‌تی ده‌زگای رێکخستن.
2- جێبه‌جێکردن و به‌دواداچوونی بڕیاره‌کانی ده‌زگای رێکخستن.
3- به‌ڕێوه‌بردنی کاروباری رۆژانه‌ی کۆمیته‌که‌ و بڕیاردان له‌ چوارچێوه‌ی سنووره‌کانیدا.

ئه‌نجومه‌نی پیران

1- ئه‌نجومه‌نی ئه‌نجومه‌نی پیران، ئه‌نجومه‌نێکی راوێژکاره‌ بۆ  ئه‌نجومه‌نی به‌ڕێوه‌بردن و کۆمیته‌ کارگوزاره‌کان.

به‌ڕێوه‌به‌رایه‌تی دارایی

1- کۆنگره‌ 3 ژمێریار‌و 3 جێگر هه‌ڵده‌بژێرێت بۆ به‌ڕێوه‌بردنی کاروباریی دارایی پ ل ک.
2- ژمێریاران کۆنترۆلی خه‌رجی ئه‌نجومه‌نه‌کانی به‌ڕێوه‌بردن‌و کارگوزاریی ده‌که‌ن.

کۆمیته‌کانی هه‌نده‌ران

1- پ ل ک له‌ هه‌ر یه‌کێک له‌ وڵاته‌ کوردستانی نشینه‌کانی هه‌نده‌ران کۆمیته‌یه‌ک داده‌مه‌زرێنێت بۆ به‌ڕێوه‌بردنی کاروباری پارته‌که‌ له‌و وڵاته‌دا.
2- هه‌ر یه‌کێ له‌م کۆمیتانه‌ له‌ 5 ئه‌ندام پێکدێت.
3- هه‌ر کۆمیته‌یه‌ک نوێنه‌رانی خۆی بۆ ئه‌ندامایه‌تی کۆنگره‌ هه‌ڵده‌بژێرێت.
4- کۆمیته‌کان به‌ ناوی وڵاته‌کان ده‌ناسرێن.
5- کۆمیته‌ خه‌بات بۆ گه‌یشتن به‌ ئامانجه‌کانی پ ل ک ده‌کات.

رێکخراوه‌کانی پ ل ک.

1- سه‌ره‌کیترین رێکخراومان کۆمه‌ڵه‌یه‌‌. ژماره‌ی ئه‌ندامانی کۆمه‌ڵه‌یه‌ک‌ نابێ له‌ سێ ئه‌ندام که‌متربێت.
2- رێکخراوه‌کانی پارتمان ، له‌ دێ، کۆمه‌ڵه‌ی دێ، له شارۆچکه‌‌و شاردا کۆمه‌ڵه‌ی شار.
3- ئه‌رکی کۆمه‌ڵه‌کان بریتییه‌ له‌ بڵاوکردنه‌وه‌ی په‌یامی پ ل ک، به‌ڕێوه‌بردنی کاروباری رێکخراو‌ه‌‌و نواندنی چالاکی کۆمه‌ڵایه‌تی.
4- سه‌ره‌کیترین رێخراومان له‌ سنووری هه‌رێمێکدا، رێکخراوی هه‌رێم ده‌بێت. رێکخراوی هه‌رێم به‌رزترین ئۆرگانی پ ل ک له‌ هه‌رێمێکدا و به‌رپرسیاره‌ له جیبه‌جێکردنی بڕیاره‌کانی ده‌زگای رێکخستن و‌ به‌ڕێوه‌بردنی کاروباری پلک و سرپه‌رشتیکردن و رێکخستنی کاروباری کۆمه‌له‌کانه‌ له‌ سنووری هه‌رێمه‌که‌ی خۆیدا.
5- کۆمه‌ڵه‌ی ئافره‌تان، لاوان‌و خوێندکاران له‌ گشت نا و چه‌کان داده‌مه‌زرێ‌و په‌یوه‌ستی کۆمیته‌ کارگوزاره‌‌ تایبه‌ته‌کانیان ده‌بن.
6- به‌ڕێوه‌به‌رایه‌تی هه‌ر رێکخراوێک له‌لایه‌ن ئه‌ندامانی خودی رێکخراوه‌وه‌ یان نوێنه‌رانیانه‌وه‌‌ هه‌ڵده‌بژێردرێت.
7- به‌رزترین ئۆرگانی هه‌ر رێکخراوێک، کۆنفرانسی خودی رێکخراوه‌که‌یه ، ‌ که‌ س ێ ساڵ جارێک ده‌به‌سترێت.